حسن کے راز نہاں شرح بیاں تک پہنچے

حسن کے راز نہاں شرح بیاں تک پہنچے

آنکھ سے دل میں گئے دل سے زباں تک پہنچے

دل نے آنکھوں سے کہی آنکھوں نے دل سی کہہ دی

بات چل نکلی ہے اب دیکھیں کہاں تک پہنچے

عشق پہلے ہی قدم پر ہے یقیں سے واصل

انتہا عقل کی یہ ہے کہ گماں تک پہنچے

کعبہ و دیر میں تو لوگ ہیں آتے جاتے

وہ نہ لوٹے جو در پیر مغاں تک پہنچے

آنکھ سے آنکھ کہے دل سے ہوں دل کی باتیں

وائے وہ عرض تمنا جو زباں تک پہنچے

husn ke raz-e-nihan sharh-e-bayan tak pahunche

ankh se dil mein gae dil se zaban tak pahunche

dil ne ankhon se kahi ankhon ne dil si kah di

bat chal nikli hai ab dekhen kahan tak pahunche

ishq pahle hi qadam par hai yaqin se wasil

intiha aql ki ye hai ke guman tak pahunche

kaaba-o-dair mein to log hain ate jate

wo na laute jo dar-e-pir-e-mughan tak pahunche

ankh se ankh kahe dil se hun dil ki baten

wae wo arz-e-tamanna jo zaban tak pahunche