حضرت دل یہ عشق ہے درد سے کسمسائے کیوں

حضرت دل یہ عشق ہے درد سے کسمسائے کیوں

موت ابھی سے آئے کیوں جان ابھی سے جائے کیوں

عشق کا رتبہ ہے بڑا عشق خدا سے جا ملا

آپ نے کیا سمجھ لیا آپ یہ مسکرائے کیوں

میرا غلط گلہ سہی ظلم و جفا روا سہی

ناز ستم بجا سہی آنکھ کوئی چرائے کیوں

تجھ سے زیادہ نازنیں اس میں ہزاروں ہیں حسیں

دل ہے یہ آئینہ نہیں سامنے تیرے آئے کیوں

عاشق نامراد کو اس کی رضا پہ چھوڑ دو

اس کی اگر خوشی نہ ہو غم سے نجات پائے کیوں

حوصلۂ ستم بڑھے تیغ و سناں کا دم بڑھے

ایک ہی تیر ناز میں کیجیئے ہائے ہائے کیوں

غالبؔ خوش بیاں کہاں بیخودؔ خستہ جاں کہاں

طبع کا امتحاں کہاں شاد مجھے ستائے کیوں

hazrat-e-dil ye ishq hai dard se kasmasae kyun

maut abhi se ae kyun jan abhi se jae kyun

ishq ka rutba hai bara ishq khuda se ja mila

ap ne kya samajh liya ap ye muskurae kyun

mera ghalat gila sahi zulm-o-jafa rawa sahi

naz-e-sitam baja sahi ankh koi churae kyun

tujh se ziyada naznin is mein hazaron hain hasin

dil hai ye aina nahin samne tere ae kyun

ashiq-e-namurad ko us ki raza pe chhor do

us ki agar khushi na ho gham se najat pae kyun

hausla-e-sitam barhe tegh-o-sinan ka dam barhe

ek hi tir-e-naz mein kijie hae hae kyun

ghalib khush bayan kahan bekhud khasta jan kahan

taba ka imtihan kahan shad mujhe satae kyun