حق بنا باطل بنا ناقص بنا کامل بنا

حق بنا باطل بنا ناقص بنا کامل بنا

جو بنانا ہو بنا لیکن کسی قابل بنا

شوق کے لائق بنا ارمان کے قابل بنا

اہل دل بننے کی حسرت ہے تو دل کو دل بنا

عقدہ تو بے شک کھلا لیکن بہ صد دقت کھلا

کام تو بے شک بنا لیکن بہ صد مشکل بنا

جب ابھارا ہے تو اپنے قرب کی حد تک ابھار

جب بنایا ہے تو اپنے لطف کے قابل بنا

سب جہانوں سے جدا اپنا جہاں تخلیق کر

سب مکانوں سے جدا اپنا مکان دل بنا

پھر نئے سر سے جنون قیس کی بنیاد رکھ

پھر نئی لیلیٰ بنا ناقہ بنا محمل بنا

یہ تو سمجھے آج آزادؔ ایک کامل فرد ہے

یہ نہ سمجھے ایک ناقص کس طرح کامل بنا

haq bana batil bana naqis bana kamil bana

jo banana ho bana lekin kisi qabil bana

shauq ke laiq bana arman ke qabil bana

ahl-e-dil banne ki hasrat hai to dil ko dil bana

uqda to be shak khula lekin ba sad diqqat khula

kam to be shak bana lekin ba sad mushkil bana

jab ubhara hai to apne qurb ki had tak ubhar

jab banaya hai to apne lutf ke qabil bana

sab jahanon se juda apna jahan takhliq kar

sab makanon se juda apna makan-e-dil bana

phir nae sar se junun-e-qais ki buniyad rakh

phir nai laila bana naqa bana mahmil bana

ye to samjhe aj azad ek kamil fard hai

ye na samjhe ek naqis kis tarah kamil bana