حسن کو بے حجاب ہونا تھا

حسن کو بے حجاب ہونا تھا

شوق کو کامیاب ہونا تھا

ہجر میں کیف اضطراب نہ پوچھ

خون دل بھی شراب ہونا تھا

تیرے جلووں میں گھر گیا آخر

ذرے کو آفتاب ہونا تھا

کچھ تمہاری نگاہ کافر تھی

کچھ مجھے بھی خراب ہونا تھا

رات تاروں کا ٹوٹنا بھی مجازؔ

باعث اضطراب ہونا تھا

husn ko be hijab hona tha

shauq ko kamyab hona tha

hijr mein kaif-e-iztirab na puchh

khun-e-dil bhi sharab hona tha

tere jalwon mein ghar gaya akhir

zarre ko aftab hona tha

kuchh tumhari nigah-e-kafir thi

kuchh mujhe bhi kharab hona tha

rat taron ka tutna bhi majaz

bais-e-iztirab hona tha