حسن کے احترام نے مارا

حسن کے احترام نے مارا

عشق بے ننگ و نام نے مارا

وعدۂ ناتمام نے مارا

روز کی صبح و شام نے مارا

لرزش دست شوق آہ نہ پوچھ

لغزش نیم گام نے مارا

عشق کی سادگی تو ایک طرف

شوق کے اہتمام نے مارا

اللہ اللہ نفس کی آمد و شد

اس پیام و سلام نے مارا

عشق مرتا نہ اپنی موت سے آہ

عاشقان کرام نے مارا

کاش وہ عمر خضر بن جائے

جن خیالات خام نے مارا

میں نہیں بسمل خیام جگرؔ

حافظ خوش کلام نے مارا

husn ke ehtiram ne mara

ishq-e-be nang-o-nam ne mara

waada-e-natamam ne mara

roz ki subh-o-sham ne mara

larzish-e-dast-e-shauq ah na puchh

laghzish-e-nim gam ne mara

ishq ki sadgi to ek taraf

shauq ke ehtimam ne mara

allah allah nafas ki amad-o-shud

is payam-o-salam ne mara

ishq marta na apni maut se ah

ashiqan-e-karam ne mara

kash wo umr-e-khizr ban jae

jin khayalat-e-kham ne mara

main nahin bismil khayyam jigar

hafiz-e-khush kalam ne mara