حشر پر وعدۂ دیدار ہے کس کا تیرا
Bekhud Badayuni (1857–1912)حشر پر وعدۂ دیدار ہے کس کا تیرا
لاکھ انکار اک اقرار ہے کس کا تیرا
نہ دوا سے اسے مطلب نہ شفا سے سروکار
ایسے آرام میں بیمار ہے کس کا تیرا
لاکھ پردے میں نہاں شکل ہے کس کی تیری
جلوہ ہر شے سے نمودار ہے کس کا تیرا
اور پامال ستم کون ہے تو ہے بیخودؔ
اس ستم گر سے سروکار ہے کس کا تیرا
hashr par waada-e-didar hai kis ka tera
lakh inkar ik iqrar hai kis ka tera
na dawa se use matlab na shifa se sarokar
aise aram mein bimar hai kis ka tera
lakh parde mein nihan shakl hai kis ki teri
jalwa har shai se numudar hai kis ka tera
aur pamal-e-sitam kaun hai to hai bekhud
us sitam gar se sarokar hai kis ka tera