جلوہ جب مجھ کو دکھایا یار نے

جلوہ جب مجھ کو دکھایا یار نے

وہم ہستی کا اٹھایا یار نے

جام وحدت جب کیا نذر عطا

مست دیوانہ بنایا یار نے

بول اٹھا مردہ زباں سے بے گماں

قم باذنی جب سنایا یار نے

حسن وحدت جلوہ گر ہے جا بجا

لا مکاں مجھ کو بتایا یار نے

کیا عجب ظاہر کیا ناز و ادا

عشق میں مجھ کو پھنسایا یار نے

جب کھلا عقدہ خفی اسرار کا

برسر محفل ہنسایا یار نے

jalwa jab mujh ko dikhaya yar ne

wahm hasti ka uthaya yar ne

jam-e-wahdat jab kiya nazr-e-ata

mast-e-diwana banaya yar ne

bol utha murda zaban se be guman

qum bazni jab sunaya yar ne

husn wahdat jalwa gar hai ja baja

la makan mujh ko bataya yar ne

kya ajab zahir kiya naz-o-ada

ishq mein mujh ko phansaya yar ne

jab khula uqda khafi asrar ka

barsar-e-mahfil hansaya yar ne