جلوہ دکھلائے جو وہ اپنی خود آرائی کا

جلوہ دکھلائے جو وہ اپنی خود آرائی کا

نور جل جائے ابھی چشم تماشائی کا

رنگ ہر پھول میں ہے حسن خود آرائی کا

چمن دہر ہے محضر تری یکتائی کا

اپنے مرکز کی طرف مائل پرواز تھا حسن

بھولتا ہی نہیں عالم تری انگڑائی کا

اف ترے حسن جہاں سوز کی پر زور کشش

نور سب کھینچ لیا چشم تماشائی کا

دیکھ کر نظم دوعالم ہمیں کہنا ہی پڑا

یہ سلیقہ ہے کسے انجمن آرائی کا

کل جو گلزار میں ہیں گوش بر آواز عزیزؔ

مجھ سے بلبل نے لیا طرز یہ شیوائی کا

jalwa dikhlae jo wo apni khud arai ka

nur jal jae abhi chashm-e-tamashai ka

rang har phul mein hai husn-e-khud arai ka

chaman-e-dahr hai mahzar tiri yaktai ka

apne markaz ki taraf mail-e-parwaz tha husn

bhulta hi nahin alam tiri angrai ka

uf tire husn-e-jahan soz ki pur zor kashish

nur sab khinch liya chashm-e-tamashai ka

dekh kar nazm doalam hamen kahna hi para

ye saliqa hai kise anjuman arai ka

kal jo gulzar mein hain gosh bar awaz aziz

mujh se bulbul ne liya tarz ye shewai ka