جفا پہ شکر کا امیدوار کیوں آیا

جفا پہ شکر کا امیدوار کیوں آیا

مری وفا کا اسے اعتبار کیوں آیا

یہ دل کی بات ہی منہ سے ادا نہیں ہوتی

میں کیا کہوں کہ یہاں بار بار کیوں آیا

خیال پرسش محشر سے وہ ہوا مغموم

نظر کے سامنے میرا مزار کیوں آیا

کہاں وہ ہاتھ میں پاؤں حسین لڑکوں کے

سڑی نہیں تو سوئے کوہسار کیوں آیا

تڑپ تھی مر کے بھی میت پہ شاید آیا وہ

نہیں یہ بات تو دل کو قرار کیوں آیا

ہوا میں خاک تو وہ لڑ رہا ہے آندھی سے

کہ تیرے ساتھ مرے گھر غبار کیوں آیا

وہ انتظار کی لذت بھی لے گیا اے شوقؔ

ہوا کے گھوڑے پہ ظالم سوار کیوں آیا

jafa pe shukr ka umidwar kyun aya

miri wafa ka use etibar kyun aya

ye dil ki bat hi munh se ada nahin hoti

main kya kahun ke yahan bar bar kyun aya

khayal pursish-e-mahshar se wo hua maghmum

nazar ke samne mera mazar kyun aya

kahan wo hath mein paon hasin larkon ke

sari nahin to su-e-kohsar kyun aya

tarap thi mar ke bhi mayyat pe shayad aya wo

nahin ye bat to dil ko qarar kyun aya

hawa mein khak to wo lar raha hai andhi se

ke tere sath mire ghar ghubar kyun aya

wo intizar ki lazzat bhi le gaya ai shauq

hawa ke ghore pe zalim sawar kyun aya