جلوے ترے جو رونق بازار ہو گئے

جلوے ترے جو رونق بازار ہو گئے

خوبان خود فروش خریدار ہو گئے

تلووں سے راستہ چمن دل کشا بنا

جلووں سے آئنہ در و دیوار ہو گئے

دل جاں بلب جگر میں تپک جان بے قرار

ہم تیرا نام لے کے گنہ گار ہو گئے

گل زار ہے بہار یوں ہی حسن یار سے

جیسے چمن بہار سے گل زار ہو گئے

یہ حسن خود فروش عجب جنس ہے حسنؔ

وہ بک گئے جو اس کے خریدار ہو گئے

jalwe tire jo raunaq-e-bazar ho gae

khuban-e-khud farosh-e-kharidar ho gae

talwon se rasta chaman-e-dil kusha bana

jalwon se aina dar-o-diwar ho gae

dil jan balb jigar mein tapak jan-e-be qarar

ham tera nam le ke gunah gar ho gae

gul zar hai bahar yun hi husn-e-yar se

jaise chaman bahar se gul zar ho gae

ye husn-e-khud farosh ajab jins hai husn

wo bik gae jo us ke kharidar ho gae