آتے آتے طرف میرے مڑ کے پھر کیدھر چلے

آتے آتے طرف میرے مڑ کے پھر کیدھر چلے

جان صاحب! بن تمہارے کھا کے غم ہم مر چلے

سجدے دے ناگھسنیاں کرتے ہیں تم سنتے نہیں

جو نہ کرنی تھی سماجت وہ بھی کر اکثر چلے

آدمی سے بت کہائے اب خدائی کا ہے عزم

ٹک کرو انصاف اپنی حد سے تم باہر چلے

دیکھ لیویں گے گزارے کے تئیں اب اور جا

دیکھا بھاری پتھر اس کو چوم سر سے دھر چلے

عاشقوں نے نام تیرا لے کیا قالب تہی

مرتے مرتے بھی تو تیرا ہی یہ سب دم بھر چلے

بزم میں تم کھل رہے تھے بیٹھے دیکھ ہم کو رک گئے

گر یوں ہی راضی ہو لو جی اٹھ ہم اپنے گھر چلے

کس کے آئے کس سے رنگ رلیاں کیا پیار اور چاہ

عشق کی بدنامی پیارے رکھ کے مجھ اوپر چلے

خضر کو شاباش اکتایا نہ اب تک اور ہم

زندگانی ایک دم بھر کی بھی کر دوبھر چلے

آہ و افغاں تو ہمارا کر رہا ہے زور شور

جوں بگولا یا ہو آندھی یا کوئی صرصر چلے

دیکھیں کس کی آہ کا اس پر اثر ہو اظفریؔ

ہم تو بھر مقدور، کر کتنا ہی شور و شر چلے

ate ate taraf mere mur ke phir kidhar chale

jan sahab! bin tumhare kha ke gham ham mar chale

sajde de naghisniyan karte hain tum sunte nahin

jo na karni thi samajat wo bhi kar aksar chale

admi se but kahae ab khudai ka hai azm

tuk karo insaf apni had se tum bahar chale

dekh lewenge guzare ke tain ab aur ja

dekha bhari patthar us ko chum sar se dhar chale

ashiqon ne nam tera le kiya qalib tahi

marte marte bhi to tera hi ye sab dam bhar chale

bazm mein tum khul rahe the baithe dekh ham ko ruk gae

gar yun hi razi ho lo ji uth ham apne ghar chale

kis ke ae kis se rang-e-raliyan kya pyar aur chah

ishq ki badnami pyare rakh ke mujh upar chale

khizr ko shabash uktaya na ab tak aur ham

zindagani ek dam bhar ki bhi kar dubhar chale

ah-o-afghan to hamara kar raha hai zor shor

jun bagula ya ho andhi ya koi sarsar chale

dekhen kis ki ah ka us pur asar ho azfari

ham to bhar maqdur, kar kitna hi shor-o-shar chale