جمع ہیں سارے مسافر نا خدائے دل کے پاس
پنڈت ہری چند اخترجمع ہیں سارے مسافر نا خدائے دل کے پاس
کشتیٔ ہستی نظر آتی ہے اب ساحل کے پاس
سارباں کس جستجو میں ہے یہاں مجنوں کہاں
اب بگولا بھی نہ بھٹکے گا ترے محمل کے پاس
ابتدائے عشق یعنی ایک مہلک حادثہ
آ گئی ہستی یکایک موت کی منزل کے پاس
نعمتوں کو دیکھتا ہے اور ہنس دیتا ہے دل
محو حیرت ہوں کہ آخر کیا ہے میرے دل کے پاس
یہ ترے دست کرم کو کھینچ لے گا ایک دن
اے خدا رہنے نہ دے دست دعا سائل کے پاس
jama hain sare musafir na khuda-e-dil ke pas
kashti-e-hasti nazar ati hai ab sahil ke pas
sarban kis justuju mein hai yahan majnun kahan
ab bagula bhi na bhatkega tire mahmil ke pas
ibtida-e-ishq yaani ek mohlik hadisa
a gai hasti yakayak maut ki manzil ke pas
nematon ko dekhta hai aur hans deta hai dil
mahw-e-hairat hun ke akhir kya hai mere dil ke pas
ye tire dast-e-karam ko khinch lega ek din
ai khuda rahne na de dast-e-dua sail ke pas