جاتا ہے کون آپ سے جلاد کی طرف

جاتا ہے کون آپ سے جلاد کی طرف

کھینچا اس آب و دانہ نے صیاد کی طرف

ناخوش ہے عاشقوں سے بہت آج کل وہ شوخ

بدلے کرم کے طبع ہے بیداد کی طرف

مشاطہ جذب دل سا کوئی دوسرا نہیں

شیریں کو کھینچ لے گیا فرہاد کی طرف

عشق بتاں ہے خواب فراموش اے خدا

آیا ہے پھر خیال تری یاد کی طرف

دیتی نہیں نزاکت اسے حکم قتل کا

جاتا ہوں دوڑ دوڑ کے جلاد کی طرف

آتا ہے قد یار چمن میں مجھے جو یاد

حیرت سے تکنے لگتا ہوں شمشاد کی طرف

یہ کیا سبب ہے کافر و دیں دار سب ہوئے

یا رب اسی بت ستم ایجاد کی طرف

عاجزؔ چھڑائے بخت اگر قید زیست سے

آؤں کبھی نہ عالم ایجاد کی طرف

jata hai kaun ap se jallad ki taraf

khincha is ab-o-dana ne sayyad ki taraf

nakhush hai ashiqon se bahut aj kal wo shokh

badle karam ke taba hai bedad ki taraf

mashshata jazb-e-dil sa koi dusra nahin

shirin ko khinch le gaya farhad ki taraf

ishq-e-butan hai khwab-e-faramosh ai khuda

aya hai phir khayal tiri yad ki taraf

deti nahin nazakat use hukm qatl ka

jata hun daur daur ke jallad ki taraf

ata hai qad-e-yar chaman mein mujhe jo yad

hairat se takne lagta hun shamshad ki taraf

ye kya sabab hai kafir-o-din dar sab hue

ya rab usi but-e-sitam ijad ki taraf

ajiz chhurae bakht agar qaid-e-zist se

aun kabhi na alam-e-ijad ki taraf