تیرے چہرے کی طرح اور مرے سینے کی طرح

تیرے چہرے کی طرح اور مرے سینے کی طرح

میرا ہر شعر دمکتا ہے نگینے کی طرح

پھول جاگے ہیں کہیں تیرے بدن کی مانند

اوس مہکی ہے کہیں تیرے پسینے کی طرح

اے مجھے چھوڑ کے طوفان میں جانے والی

دوست ہوتا ہے تلاطم میں سفینے کی طرح

اے مرے غم کو زمانے سے بتانے والی

میں ترا راز چھپاتا ہوں دفینے کی طرح

تیرا وعدہ تھا کہ اس ماہ ضرور آئے گی

اب تو ہر روز گزرتا ہے مہینے کی طرح

tere chehre ki tarah aur mire sine ki tarah

mera har sher damakta hai nagine ki tarah

phul jage hain kahin tere badan ki manind

os mahki hai kahin tere pasine ki tarah

ai mujhe chhor ke tufan mein jane wali

dost hota hai talatum mein safine ki tarah

ai mire gham ko zamane se batane wali

main tira raz chhupata hun dafine ki tarah

tera waada tha ke us mah zarur aegi

ab to har roz guzarta hai mahine ki tarah