تیشے سے کوئی کام نہ فرہاد سے ہوا

تیشے سے کوئی کام نہ فرہاد سے ہوا

جو کچھ ہوا وہ عشق کی امداد سے ہوا

میری طرف جو زلف سے پھینکا نکال کر

ایسا قصور کیا دل ناشاد سے ہوا

اپنے خرام ناز کی ان کو خبر نہیں

کہتے ہیں حشر تیری ہی فریاد سے ہوا

بے حکم یوں کسی کو ستاتا نہیں فلک

مجھ پر یہ ظلم آپ کے ارشاد سے ہوا

بیخودؔ کی طرح کون تمہیں جان دے سکا

یہ کام عشق میں اسی ناشاد سے ہوا

teshe se koi kam na farhad se hua

jo kuchh hua wo ishq ki imdad se hua

meri taraf jo zulf se phenka nikal kar

aisa qusur kya dil-e-nashad se hua

apne khiram-e-naz ki un ko khabar nahin

kahte hain hashr teri hi fariyad se hua

be hukm yun kisi ko satata nahin falak

mujh par ye zulm ap ke irshad se hua

bekhud ki tarah kaun tumhen jan de saka

ye kam ishq mein isi nashad se hua