تیرے رہنے کو مناسب تھا کہ چھپر ہوتا

تیرے رہنے کو مناسب تھا کہ چھپر ہوتا

کہ نہ چوکھٹ تری ہوتی نہ مرا سر ہوتا

قسمت نجد کا گر قیس کمشنر ہوتا

لیڈی لیلیٰ کی ہوا خوری کو موٹر ہوتا

غیر مل جل کے اٹھا لیتے کہ تھے بے غیرت

گو پہاڑ آپ کے احسان کا چھپر ہوتا

چائے میں ڈال کر عشاق اسے پی جاتے

در حقیقت لب معشوق جو شکر ہوتا

ملک الموت پہ جھلنے کو بناتا میں چنور

طائر روح کی دم میں جو کوئی پر ہوتا

لے ہی لیتا لب دلدار کا بوسہ اڑ کر

کاش عاشق جو بنایا تھا تو مچھر ہوتا

ٹھوکریں غیر کے مرقد پہ لگاتا کیوں کر

بوٹ کی جا پہ جو تو پہنے سلیپر ہوتا

چاٹتا ساری کتابوں کو بغیر از دقت

علم کا شوق جسے ہے جو وہ جھینگر ہوتا

پاس کرتا رزولیوشن کہ حسینوں پہ ہو ٹیکس

میں کبھی میونسپلٹی کا جو ممبر ہوتا

لکھنؤ سے شب یکشنبہ بریلی آتے

پاؤں میں گر نہ ظریفؔ اپنے سنیچر ہوتا

tere rahne ko munasib tha ke chhappar hota

ke na chaukhat tiri hoti na mira sar hota

qismat-e-najd ka gar qais kamishnar hota

ledi laila ki hawa khuri ko motar hota

ghair mil jal ke utha lete ke the be ghairat

go pahar ap ke ehsan ka chhappar hota

chae mein dal kar ushshaq use pi jate

dar haqiqat lab-e-maashuq jo shukr hota

mulk almut pe jhalne ko banata main channwar

tair-e-ruh ki dam mein jo koi par hota

le hi leta lab-e-dildar ka bosa ur kar

kash ashiq jo banaya tha to machchhar hota

thokaren ghair ke marqad pe lagata kyun kar

but ki ja pe jo tu pahne silipar hota

chatta sari kitabon ko baghair az diqqat

ilm ka shauq jise hai jo wo jhingar hota

pas karta razolewshan ke hasinon pe ho taiks

main kabhi miyunsipilti ka jo mimbar hota

lakhnau se shab yakshamba burili ate

paon mein gar na zarif apne sanichar hota