تیغ ابرو کا جو قتیل ہوا

تیغ ابرو کا جو قتیل ہوا

وہ شہیدوں میں بے عدیل ہوا

چشمۂ اشک چشم پر نم تھا

خلد میں جو کہ سلسبیل ہوا

آبرو دی ہے انکساری نے

خاکساری سے میں جلیل ہوا

خود فرستندہ تھا فرستادہ

وحی لا کر وہ جبرئیل ہوا

ہوں وہ عاصی کہ شعلۂ دوزخ

نار ہی گلشن خلیل ہوا

جز غم یار دشت غربت میں

کون ایسا تھا جو کفیل ہوا

اب خدا ہی سے لو لگاؤں گا

دے کے دل بت کو میں ذلیل ہوا

شب فرقت جو خط لکھا میں نے

زلف جاناں سا وہ طویل ہوا

اے جمیلہؔ یہ دل ہے دشمن جاں

مرگ عاشق کا جو دلیل ہوا

tegh-e-abru ka jo qatil hua

wo shahidon mein be adil hua

chashma-e-ashk-e-chashm pur nam tha

khuld mein jo ke salsabil hua

abru di hai inkisari ne

khaksari se main jalil hua

khud firistinda tha firistada

wahi la kar wo jibrail hua

hun wo asi ke shola-e-dozakh

nar hi gulshan-e-khalil hua

juz gham-e-yar dasht-e-ghurbat mein

kaun aisa tha jo kafil hua

ab khuda hi se lo lagaunga

de ke dil but ko main zalil hua

shab-e-furqat jo khat likha main ne

zulf janan sa wo tawil hua

ai jamilahu ye dil hai dushman-e-jan

marg ashiq ka jo dalil hua