تیزی ترے مژگاں کی یہ نشتر سے کہوں گا

تیزی ترے مژگاں کی یہ نشتر سے کہوں گا

ابرو کی شکایت دم خنجر سے کہوں گا

ہم رنگ شمع عشق میں تیرے ہوں ولیکن

یہ سوز جگر آتش مجمر سے کہوں گا

دیکھا ہوں میں جس روز سے تجھ حسن کا جھلکا

ہے دل میں کبھی جامۂ انور سے کہوں گا

تنگی جو ترے پستہ دہن کی ہے سراسر

سربستہ سخن غنچۂ جوہر سے کہوں گا

سیراب نہ ہوں تجھ لب شیریں سے اگر میں

یہ تشنہ لبی چشمۂ کوثر سے کہوں گا

بوجھا ہے علیمؔ آج کہ ہے حسن کا تو گنج

یہ خوش خبری عاشق بے زر سے کہوں گا

tezi tire mizhgan ki ye nashtar se kahunga

abru ki shikayat dam-e-khanjar se kahunga

ham rang sham-e-ishq mein tere hun walekin

ye soz-e-jigar atish mijmar se kahunga

dekha hun main jis roz se tujh husn ka jhalka

hai dil mein kabhi jama-e-anwar se kahunga

tangi jo tire pista dahan ki hai sarasar

sarbasta sukhan ghuncha-e-jauhar se kahunga

sairab na hun tujh lab-e-shirin se agar main

ye tishna labi chashma-e-kausar se kahunga

bujha hai alim aj ke hai husn ka to ganj

ye khush khabari ashiq-e-be zar se kahunga