تیغ چڑھ اس کی سان پر آئی

تیغ چڑھ اس کی سان پر آئی

دیکھیں کس کس کی جان پر آئی

ہم بھی حاضر ہیں کھینچیے شمشیر

طبع گر امتحان پر آئی

ٹک شکایت کی اب اجازت ہو

نہیں رکتی زبان پر آئی

پوچھیے حال زار یہ نہ کبھو

دل نامہربان پر آئی

دل ہمارا کہ گھر یہ تیرا تھا

کیوں شکست اس مکان پر آئی

کٹ گئی دودمان تاک کی ناک

دخت رز جب دکان پر آئی

ٹک تو ظالم سنبھال خنجر کیں

کارد اب استخوان پر آئی

عالم جاں سے تو نہیں آیا

ایک آفت جہان پر آئی

غیر کے آگے دل کی بات بیاںؔ

آہ میری زبان پر آئی

tegh charh us ki san par ai

dekhen kis kis ki jan par ai

ham bhi hazir hain khinchiye shamshir

taba gar imtihan par ai

tuk shikayat ki ab ijazat ho

nahin rukti zaban par ai

puchhiye hal-e-zar ye na kabhu

dil-e-namehrban par ai

dil hamara ke ghar ye tera tha

kyun shikast is makan par ai

kat gai dudman tak ki nak

dukht-e-raz jab dukan par ai

tuk to zalim sambhal khanjar-e-kin

karad ab ustukhawan par ai

alam-e-jan se to nahin aya

ek afat jahan par ai

ghair ke age dil ki bat bayan

ah meri zaban par ai