یہ محو ہوئے دیکھ کے بے ساختہ پن کو

یہ محو ہوئے دیکھ کے بے ساختہ پن کو

آئینے میں خود چوم لیا اپنے دہن کو

کرتی ہے نیا روز مرے داغ کہن کو

غربت میں خدا یاد دلائے نہ وطن کو

چھوڑا وطن آباد کیا ملک دکن کو

تقدیر کہاں لے گئی یاران وطن کو

کیا لطف ہے جب مونس و یاور نہ ہو کوئی

ہم وادئ غربت ہی سمجھتے ہیں وطن کو

مرجھائے پڑے تھے گل مضمون ہزاروں

شاداب کیا ہم نے گلستان سخن کو

خدمت میں تری نذر کو کیا لائیں بہ جز دل

ہم رند تو کوڑی نہیں رکھتے ہیں کفن کو

ye mahw hue dekh ke be sakhta pan ko

aine mein khud chum liya apne dahan ko

karti hai naya roz mire dagh-e-kuhan ko

ghurbat mein khuda yad dilae na watan ko

chhora watan abad kya mulk-e-dakan ko

taqdir kahan le gai yaran-e-watan ko

kya lutf hai jab munis-o-yawar na ho koi

ham wadi-e-ghurbat hi samajhte hain watan ko

murjhae pare the gul-e-mazmun hazaron

shadab kiya ham ne gulistan-e-sukhan ko

khidmat mein tiri nazr ko kya laen ba juz dil

ham rind to kauri nahin rakhte hain kafan ko