جاؤ بھی جگر کیا ہے جو بیداد کرو گے

جاؤ بھی جگر کیا ہے جو بیداد کرو گے

نالے مرے سن لو گے تو فریاد کرو گے

تم بعد مرے غیر کا دل شاد کرو گے

کیوں یاد مری آئے گی کیا یاد کرو گے

پاؤ گے غلام ایک وفادار نہ ایسا

پچھتاؤ گے ہم کو اگر آزاد کرو گے

غصے کا سبب دیر سے میں پوچھ رہا ہوں

دشنام ہی دو گے کہ کچھ ارشاد کرو گے

پچھتاؤ نہ دل دے کے حفیظؔ ان کو تو کہنا

وہ زک یہ حسیں دیں گے کہ تم یاد کرو گے

jao bhi jigar kya hai jo bedad karoge

nale mire sun loge to fariyad karoge

tum baad mire ghair ka dil shad karoge

kyun yad miri aegi kya yad karoge

paoge ghulam ek wafadar na aisa

pachhtaoge ham ko agar azad karoge

ghusse ka sabab der se main puchh raha hun

dushnam hi doge ke kuchh irshad karoge

pachhtao na dil de ke hafiz un ko to kahna

wo zak ye hasin denge ke tum yad karoge