یہ میری دنیا یہ میری ہستی

یہ میری دنیا یہ میری ہستی

نغمہ طرازی صہبا پرستی

شاعر کی دنیا شاعر کی ہستی

یا نالۂ غم یا شور مستی

سب سے گریزاں سب پر برستی

آنکھوں کی مستی مہنگی نہ سستی

یا خلد و ساقی اے جذب مستی

یا ٹکڑے ٹکڑے دامان ہستی

محو سفر ہوں گرم سفر ہوں

میری نظر میں رفعت نہ پستی

ان انکھڑیوں کا عالم نہ پوچھو

صہبا ہی صہبا مستی ہی مستی

وہ آ بھی جاتے وہ ہو بھی جاتے

چشم تمنا پھر بھی ترستی

ان کا کرم ہے ان کی محبت

کیا میرے نغمے کیا میری ہستی

ye meri duniya ye meri hasti

naghma tarazi sahba parasti

shayar ki duniya shayar ki hasti

ya nala-e-gham ya shor masti

sab se gurezan sab par barasti

ankhon ki masti mahngi na sasti

ya khuld-o-saqi ai jazb-e-masti

ya tukre tukre daman-e-hasti

mahw-e-safar hun garm-e-safar hun

meri nazar mein rifat na pasti

in ankhriyon ka alam na puchho

sahba hi sahba masti hi masti

wo a bhi jate wo ho bhi jate

chashm-e-tamanna phir bhi tarasti

un ka karam hai un ki mohabbat

kya mere naghme kya meri hasti