تیز مجھ پر جو ستم گر کی چھری ہوتی ہے

تیز مجھ پر جو ستم گر کی چھری ہوتی ہے

کیجیے کیا کہ لگی دل کی بری ہوتی ہے

منع کرتا ہے تڑپنے سے قفس میں صیاد

نالے کرتا ہوں تو گردن پہ چھری ہوتی ہے

ہر بدی کرتی ہے انسان کو دنیا میں ہلاک

سم قاتل ہے وہ عادت جو بری ہوتی ہے

اہل دل عشق میں دم مار سکیں کیا ممکن

رگ جاں کے لئے ہر سانس چھری ہوتی ہے

بیٹھ کیوں بادہ کشوں میں کہ ہوں گم ہوش و حواس

صحبت اہل خرابات بری ہوتی ہے

tez mujh par jo sitam gar ki chhuri hoti hai

kijiye kya ke lagi dil ki buri hoti hai

mana karta hai tarapne se qafas mein sayyad

nale karta hun to gardan pe chhuri hoti hai

har badi karti hai insan ko duniya mein halak

sam-e-qatil hai wo adat jo buri hoti hai

ahl-e-dil ishq mein dam mar saken kya mumkin

rag-e-jan ke liye har sans chhuri hoti hai

baith kyun bada kashon mein ke hun gum hosh-o-hawas

sohbat-e-ahl-e-kharabat buri hoti hai