یہ ننگ عاشقی ہے سود و حاصل دیکھنے والے

یہ ننگ عاشقی ہے سود و حاصل دیکھنے والے

یہاں گمراہ کہلاتے ہیں منزل دیکھنے والے

خط ساغر میں راز حق و باطل دیکھنے والے

ابھی کچھ لوگ ہیں ساقی کی محفل دیکھنے والے

مزے آ آ گئے ہیں عشوہ ہائے حسن رنگیں کے

تڑپتے ہیں ابھی تک رقص بسمل دیکھنے والے

یہاں تو عمر گزری ہے اسی موج و تلاطم میں

وہ کوئی اور ہوں گے سیر حاصل دیکھنے والے

مرے نغموں سے صہبائے کہن بھی ہو گئی پانی

تعجب کر رہے ہیں رنگ محفل دیکھنے والے

جنون عشق میں ہستی عالم پر نظر کیسی

رخ لیلیٰ کو کیا دیکھیں گے محمل دیکھنے والے

ye nang-e-ashiqi hai sud-o-hasil dekhne wale

yahan gumrah kahlate hain manzil dekhne wale

khat-e-saghar mein raz-e-haq-o-batil dekhne wale

abhi kuchh log hain saqi ki mahfil dekhne wale

maze a a gae hain ishwa ha-e-husn rangin ke

tarapte hain abhi tak raqs-e-bismil dekhne wale

yahan to umr guzri hai isi mauj-o-talatum mein

wo koi aur honge sair hasil dekhne wale

mire naghmon se sahba-e-kuhan bhi ho gai pani

taajjub kar rahe hain rang-e-mahfil dekhne wale

junun-e-ishq mein hasti-e-alam par nazar kaisi

rukh-e-laila ko kya dekhenge mahmil dekhne wale