جاتی رہیں کدھر وہ محبت کی بانیاں

جاتی رہیں کدھر وہ محبت کی بانیاں

اک آشنا رہیں تری باتیں بگانیاں

سن کر جلا ہوں طور سا موسیٰ کمر میاں

فرعونیٔ رقیب و تری لن ترانیاں

کہتا ہوں جب میں سوتے نصیبوں کی سرگزشت

ہوتی ہیں خواب ناز کی تم کو کہانیاں

جام حباب پر دم عیسیٰ بھی سنگ ہے

نازک دلوں پہ ہلکے سخن ہیں گرانیاں

اے جگ کے ٹھگ یہ نام نکالے سے ننگ نہیں

عزلتؔ سے دل لئے پہ بھی آنکھیں چورانیاں

jati rahen kidhar wo mohabbat ki baniyan

ik ashna rahen tiri baten buganiyan

sun kar jala hun tur sa musa kamar miyan

firauni-e-raqib-o-tiri lan taraniyan

kahta hun jab main sote nasibon ki sarguzasht

hoti hain khwab-e-naz ki tum ko kahaniyan

jam-e-habab par dam-e-isa bhi sang hai

nazuk dilon pe halke sukhan hain garaniyan

ai jag ke thag ye nam nikale se nang nahin

uzlat se dil liye pe bhi ankhen churaniyan