یہ سچ ہے ہر جگہ تم جلوہ گر ہو

یہ سچ ہے ہر جگہ تم جلوہ گر ہو

وہ دیکھے جس کی آنکھیں ہوں نظر ہو

عداوت میں عداوت کی ہو تاثیر

محبت میں محبت کا اثر ہو

مزا جب ہے کہ ہمدم رنگ لائے

لہو دل کا ہو یا خون جگر ہو

وہ عرض وصل پر اس بت کا کہنا

خدا کا واسطہ کیوں میرے سر ہو

وہ چاہے ان بتان سنگ دل کو

الٰہی جس کا پتھر کا جگر ہو

نہیں دن سن تمہارے وہ کہ محمودؔ

تمہاری عمر غفلت میں بسر ہو

ye sach hai har jagah tum jalwa gar ho

wo dekhe jis ki ankhen hun nazar ho

adawat mein adawat ki ho tasir

mohabbat mein mohabbat ka asar ho

maza jab hai ke hamdam rang lae

lahu dil ka ho ya khun-e-jigar ho

wo arz-e-wasl par us but ka kahna

khuda ka wasta kyun mere sar ho

wo chahe un butan-e-sang dil ko

ilahi jis ka patthar ka jigar ho

nahin din sun tumhare wo ke mahmud

tumhari umr ghaflat mein basar ho