یہ عطر بیزیاں نہیں نسیم نوبہار کی

یہ عطر بیزیاں نہیں نسیم نوبہار کی

اڑا کے لائی ہے صبا شمیم زلف یار کی

بس اتنی کائنات ہے حیات مستعار کی

شباب ہے حباب کا بہار ہے شرار کی

فریب کاریاں نہ پوچھ جوش انتظار کی

تمام شب سنا کئے صدا خرام یار کی

یہ مختصر سی داستاں ہے جبر و اختیار کی

کرشمہ ساز کوئی ہو خطا گناہ گار کی

حقیقت فریب حسن عالم آشکار کی

یہ ابتدائے فتح ہے جنون پختہ کار کی

مجھے تو آنکھ کھلتے ہی قفس کی تیلیاں ملیں

مری بلا سے گر چمن میں فصل ہے بہار کی

ترے نثار زخم عشق کچھ وہ لذتیں ملیں

بلائیں لے رہا ہے دل خدنگ جاں شکار کی

رہ طلب کی لذتیں ہیں اور ہمت آفریں

یہ تلخیاں ہیں تلخیاں شراب خوش گوار کی

سہیلؔ تیری شاعری ہے یا فسون سامری

روانیاں ہیں نظم میں خرام جوئے یار کی

ye itr beziyan nahin nasim naubahar ki

ura ke lai hai saba shamim-e-zulf-e-yar ki

bas itni kainat hai hayat-e-mustaar ki

shabab hai habab ka bahar hai sharar ki

fareb-e-kariyan na puchh josh-e-intizar ki

tamam shab suna kiye sada khiram-e-yar ki

ye mukhtasar si dastan hai jabr-o-ikhtiyar ki

karishma saz koi ho khata gunah gar ki

haqiqat-e-fareb-e-husn-e-alam ashkar ki

ye ibtida-e-fath hai junun-e-pukhta kar ki

mujhe to ankh khulte hi qafas ki teliyan milen

miri bala se gar chaman mein fasl hai bahar ki

tire nisar-e-zakhm-e-ishq kuchh wo lazzaten milen

balaen le raha hai dil khadang-e-jan shikar ki

rah-e-talab ki lazzaten hain aur himmat afrin

ye talkhiyan hain talkhiyan sharab-e-khush gawar ki

sahel teri shayari hai ya fusun-e-samri

rawaniyan hain nazm mein khiram ju-e-yar ki