یہ خوب رو نہ چھری نے کٹار رکھتے ہیں

یہ خوب رو نہ چھری نے کٹار رکھتے ہیں

نگاہ لطف سے عالم کو مار رکھتے ہیں

چراغ گور نہ شمع مزار رکھتے ہیں

بس ایک ہم یہ دل داغ دار رکھتے ہیں

شراب عشق نہ اے دوست پیجیو ہرگز

اسی نشے کا ہم اب تک خمار رکھتے ہیں

مری زبانی کوئی اس سے اس قدر پوچھے

کہیں یہ جھوٹے بھی وعدے شمار رکھتے ہیں

قیامت آ چکی دیدار حق ہوا سب کو

ہم اب تلک بھی ترا انتظار رکھتے ہیں

اگرچہ خاک برابر کیا فلک نے بیاںؔ

دماغ پر وہی ہم خاکسار رکھتے ہیں

ye khub ru na chhuri ne katar rakhte hain

nigah-e-lutf se alam ko mar rakhte hain

charagh-e-gor na sham-e-mazar rakhte hain

bas ek ham ye dil-e-dagh dar rakhte hain

sharab-e-ishq na ai dost pejiyo hargiz

isi nashe ka ham ab tak khumar rakhte hain

miri zabani koi us se is qadar puchhe

kahin ye jhute bhi waade shumar rakhte hain

qayamat a chuki didar haq hua sab ko

ham ab talak bhi tira intizar rakhte hain

agarche khak barabar kiya falak ne bayan

dimagh par wahi ham khaksar rakhte hain