یہ دن بہار کے اب کے بھی راس آ نہ سکے

یہ دن بہار کے اب کے بھی راس آ نہ سکے

کہ غنچے کھل تو سکے کھل کے مسکرا نہ سکے

مری تباہیٔ دل پر تو رحم کھا نہ سکے

جو روشنی میں رہے روشنی کو پا نہ سکے

نہ جانے آہ کہ ان آنسوؤں پہ کیا گزری

جو دل سے آنکھ تک آئے مژہ تک آ نہ سکے

رہ خلوص محبت کے حادثات جہاں

مجھے تو کیا مرے نقش قدم مٹا نہ سکے

کریں گے مر کے بقائے دوام کیا حاصل

جو زندہ رہ کے مقام حیات پا نہ سکے

نیا زمانہ بنانے چلے تھے دیوانے

نئی زمین نیا آسماں بنا نہ سکے

ye din bahar ke ab ke bhi ras a na sake

ke ghunche khul to sake khul ke muskura na sake

miri tabahi-e-dil par to rahm kha na sake

jo raushni mein rahe raushni ko pa na sake

na jane ah ke un ansuon pe kya guzri

jo dil se ankh tak ae mizha tak a na sake

rah-e-khulus-e-mohabbat ke hadsat jahan

mujhe to kya mire naqsh-e-qadam mita na sake

karenge mar ke baqa-e-dawam kya hasil

jo zinda rah ke maqam-e-hayat pa na sake

naya zamana banane chale the diwane

nai zamin naya asman bana na sake