تیس دن کے لئے ترک مے و ساقی کر لوں

تیس دن کے لئے ترک مے و ساقی کر لوں

واعظ سادہ کو روزوں میں تو راضی کر لوں

پھینک دینے کی کوئی چیز نہیں فضل و کمال

ورنہ حاسد تری خاطر سے میں یہ بھی کر لوں

اے نکیرین قیامت ہی پہ رکھو پرسش

میں ذرا عمر گزشتہ کی تلافی کر لوں

کچھ تو ہو چارۂ غم بات تو یک ہو جائے

تم خفا ہو تو اجل ہی کو میں راضی کر لوں

اور پھر کس کو پسند آئے گا ویرانۂ دل

غم سے مانا بھی کہ اس گھر کو میں خالی کر لوں

جور گردوں سے جو مرنے کی بھی فرصت مل جائے

امتحان دم جاں پرور عیسی کر لوں

دل ہی ملتا نہیں سفلوں سے وگرنہ شبلیؔ

خوب گزرے فلک دوں سے جو یاری کر لوں

tis din ke liye tark-e-mai-o-saqi kar lun

waiz-e-sada ko rozon mein to razi kar lun

phenk dene ki koi chiz nahin fazl-o-kamal

warna hasid tiri khatir se main ye bhi kar lun

ai nakirain qayamat hi pe rakho pursish

main zara umr-e-guzishta ki talafi kar lun

kuchh to ho chara-e-gham bat to yak ho jae

tum khafa ho to ajal hi ko main razi kar lun

aur phir kis ko pasand aega wirana-e-dil

gham se mana bhi ke is ghar ko main khali kar lun

jaur-e-gardun se jo marne ki bhi fursat mil jae

imtihan-e-dam-e-jan parwar isa kar lun

dil hi milta nahin siflon se wagarna shabli

khub guzre falak-e-dun se jo yari kar lun