یہ خسروی و شوکت شاہانہ مبارک

یہ خسروی و شوکت شاہانہ مبارک

یہ قصر یہ خدام یہ کاشانہ مبارک

مستوں کو مبارک در مے خانہ کے سجدے

مے خانہ تجھے مرشد مے خانہ مبارک

اے چشم تمنا تری امید بر آئے

اٹھتا ہے نقاب رخ جانانہ مبارک

بلبل کو مبارک ہو ہوائے گل و گلشن

پروانے کو سوز دل پروانہ مبارک

لو اٹھ گئے سب جلوہ گاہ ناز کے پردے

نظارہ حسن رخ جانانہ مبارک

سرمد کو مبارک ہوں مئے صاف کے ساغر

بیدمؔ ہمیں درد تہہ پیمانہ مبارک

ye khusrawi-o-shaukat-e-shahana mubarak

ye qasr ye khuddam ye kashana mubarak

maston ko mubarak dar-e-mai khana ke sajde

mai khana tujhe murshid-e-mai khana mubarak

ai chashm-e-tamanna tiri ummid bar ae

uthta hai naqab-e-rukh janana mubarak

bulbul ko mubarak ho hawa-e-gul-o-gulshan

parwane ko soz-e-dil parwana mubarak

lo uth gae sab jalwa gah-e-naz ke parde

nazzara husn-e-rukh-e-janana mubarak

sarmad ko mubarak hun mai-e-saf ke saghar

bedam hamen dard-e-tah paimana mubarak