یہ ترک ہو کے خشن کج اگر کلاہ کریں

یہ ترک ہو کے خشن کج اگر کلاہ کریں

تو بوالہوس نہ کبھو چشم کو سیاہ کریں

تمہیں بھی چاہیے ہے کچھ تو پاس چاہت کا

ہم اپنی اور سے یوں کب تلک نباہ کریں

رکھا ہے اپنے تئیں روک روک کر ورنہ

سیاہ کر دیں زمانے کو ہم جو آہ کریں

جو اس کی اور کو جانا ملے تو ہم بھی ضعیف

ہزار سجدے ہر اک گام سربراہ کریں

ہوائے مے کدہ یہ ہے تو فوت وقت ہے ظلم

نماز چھوڑ دیں اب کوئی دن گناہ کریں

ہمیشہ کون تکلف ہے خوب رویوں کا

گزار ناز سے ایدھر بھی گاہ گاہ کریں

اگر اٹھیں گے اسی حال سے تو کہیو تو

جو روز حشر تجھی کو نہ عذر خواہ کریں

بری بلا ہیں ستم کشتۂ محبت ہم

جو تیغ برسے تو سر کو نہ کچھ پناہ کریں

اگرچہ سہل ہیں پر دیدنی ہیں ہم بھی میرؔ

ادھر کو یار تأمل سے گر نگاہ کریں

ye tark ho ke khashin kaj agar kulah karen

tu bawalhos na kabhu chashm ko siyah karen

tumhen bhi chahiye hai kuchh to pas chahat ka

ham apni aur se yun kab talak nibah karen

rakha hai apne tain rok rok kar warna

siyah kar den zamane ko ham jo ah karen

jo us ki aur ko jana mile to ham bhi zaif

hazar sajde har ik gam sarbarah karen

hawa-e-mai kada ye hai to faut waqt hai zulm

namaz chhor den ab koi din gunah karen

hamesha kaun takalluf hai khub rawiyon ka

guzar-e-naz se idhar bhi gah gah karen

agar uthenge isi hal se to kahiyo to

jo roz-e-hashr tujhi ko na uzr khwah karen

buri bala hain sitam kushta-e-mohabbat ham

jo tegh barse to sar ko na kuchh panah karen

agarche sahl hain par didani hain ham bhi mir

idhar ko yar-e-tamal se gar nigah karen