یہ تیرا عشق کب کا آشنا تھا

یہ تیرا عشق کب کا آشنا تھا

کہاں کا جان کو میری دھرا تھا

وہ ساعت کون سی تھی یا الٰہی

کہ جس ساعت دو چار اس سے ہوا تھا

میں کاش اس وقت آنکھیں موند لیتا

کہ میرا دیکھنا مجھ پر بلا تھا

میں اپنے ہاتھ اپنے دل کو کھویا

خداوندا میں کیوں عاشق ہوا تھا

نہ تھا اس وقت جز اللہ کوئی

ولے یہ سوزؔ پہلو میں کھڑا تھا

ye tera ishq kab ka ashna tha

kahan ka jan ko meri dhara tha

wo saat kaun si thi ya ilahi

ke jis saat do char us se hua tha

main kash is waqt ankhen mund leta

ke mera dekhna mujh par bala tha

main apne hath apne dil ko khoya

khadaonda mein kyun ashiq hua tha

na tha is waqt juz allah koi

wale ye soz-e-pahlu mein khara tha