یہ تیرگیٔ شب ہی کچھ صبح طراز آتی

یہ تیرگیٔ شب ہی کچھ صبح طراز آتی

خود وعدۂ فردا کی چھاتی بھی دھڑک جاتی

ہونٹوں پہ ہنسی پیہم آتے ہوئے شرماتی

اب رات نہیں کٹتی اب نیند نہیں آتی

جو اول و آخر تھا وہ اول و آخر ہے

میں نالہ بجاں اٹھتا وہ نغمہ بساز آتی

سوز شب ہجراں پھر سوز شب ہجراں ہے

شبنم بہ مژہ اٹھتی یا زلف دراز آتی

یارب وہ جوانی بھی کیا محشر ارماں تھی

انگڑائی بھی جب لیتی ایک آنکھ جھپک جاتی

آغاز سیہ مستی انجام سیہ مستی

آئینے میں صورت بھی آنے کی قسم کھاتی

سینے میں مجازؔ اب تک وہ جذبۂ کافر تھا

تثلیث کی جوئندہ وحدت کی قسم کھاتی

ye tirgi-e-shab hi kuchh subh taraz ati

khud waada-e-farda ki chhati bhi dharak jati

honton pe hansi paiham ate hue sharmati

ab rat nahin katti ab nind nahin ati

jo awwal-o-akhir tha wo awwal-o-akhir hai

main nala bajan uthta wo naghma basaz ati

soz-e-shab-e-hijran phir soz-e-shab-e-hijran hai

shabnam ba mizha uthti ya zulf-e-daraz ati

yarab wo jawani bhi kiya mahshar-e-arman thi

angrai bhi jab leti ek ankh jhapak jati

aghaz-e-siyah masti anjam siyah masti

aine mein surat bhi ane ki qasam khati

sine mein majaz ab tak wo jazba-e-kafir tha

taslis ki joinda wahdat ki qasam khati