یہ جو سر نیچے کئے بیٹھے ہیں

یہ جو سر نیچے کئے بیٹھے ہیں

جان کتنوں کی لیے بیٹھے ہیں

جان ہم سبزۂ خط پر دے کر

زہر کے گھونٹ پیے بیٹھے ہیں

دل کو ہم ڈھونڈتے ہیں چار طرف

اور یہاں آپ لیے بیٹھے ہیں

واعظو چھیڑو نہ رندوں کو بہت

یہ سمجھ لو کہ پیے بیٹھے ہیں

گوشے آنچل کے ترے سینے پر

ہائے کیا چیز لیے بیٹھے ہیں

دست وحشت کو خبر کر دے کوئی

ہم گریبان سیئے بیٹھے ہیں

ہائے پوچھو نہ تصور کے مزے

گود میں تم کو لیے بیٹھے ہیں

آپ کے ناز اٹھانے والے

جان کو صبر کیے بیٹھے ہیں

بل جبیں پر ہے خدا خیر کرے

آج وہ تیغ لیے بیٹھے ہیں

اس توقع پہ کہ لیں وہ تلوار

سر ہتھیلی پہ لیے بیٹھے ہیں

جان دے دیں گے تمہارے در پر

ہم اب اٹھنے کے لئے بیٹھے ہیں

ذکر کیا جام و سبو کا کہ جلیلؔ

ایک مے خانہ پیے بیٹھے ہیں

ye jo sar niche kiye baithe hain

jan kitnon ki liye baithe hain

jan ham sabza-e-khat par de kar

zahr ke ghunt piye baithe hain

dil ko ham dhundte hain char taraf

aur yahan ap liye baithe hain

waizo chhero na rindon ko bahut

ye samajh lo ke piye baithe hain

goshe anchal ke tire sine par

hae kya chiz liye baithe hain

dast-e-wahshat ko khabar kar de koi

ham gareban saie baithe hain

hae puchho na tasawwur ke maze

god mein tum ko liye baithe hain

ap ke naz uthane wale

jan ko sabr kiye baithe hain

bal jabin par hai khuda khair kare

aj wo tegh liye baithe hain

is tawaqqo pe ke len wo talwar

sar hatheli pe liye baithe hain

jan de denge tumhare dar par

ham ab uthne ke liye baithe hain

zikr kya jam-o-subu ka ke jalil

ek mai khana piye baithe hain