یہ باؤ کیا پھری کہ تری لٹ پلٹ گئی

یہ باؤ کیا پھری کہ تری لٹ پلٹ گئی

ناگن کی بھانت ڈس کے مرا دل الٹ گئی

بیکل ہوا ہوں اب تو تری زلف میں سجن

شب ہے دراز نیند ہماری اچٹ گئی

نادان تو نیں غیر کوں کیوں درمیاں دیا

الفت تری کی ڈور اسی مانجھے سیں کٹ گئی

مجھ باؤلے کا شور اٹھا دیکھ کر کے فوج

بادل کی بھانت ڈر سیں رقیباں کی پھٹ گئی

توڑی پریت ہم سیں پیارے نے آبروؔ

لاگی تو تھی یہ بیل پہ آخر اوکھٹ گئی

ye bao kya phiri ke tiri lut palat gai

nagin ki bhant das ke mira dil ulat gai

bekal hua hun ab to tiri zulf mein sajan

shab hai daraz nind hamari achat gai

nadan to nain ghair kun kyun darmiyan diya

ulfat tiri ki dor isi manjhe sin kat gai

mujh baole ka shor utha dekh kar ke fauj

badal ki bhant dar sin raqiban ki phat gai

tori prit ham sin pyare ne abru

lagi to thi ye bel pe akhir okhit gai