یوں ہی گر عدو کی غلامی کریں گے

یوں ہی گر عدو کی غلامی کریں گے

وہ حاصل بڑی نیک نامی کریں گے

کریں گے دلیلیں وہاں خوب ناصح

انہیں کو ہم اپنا پیامی کریں گے

اجازت بھی دے ان کو تنگی دہن کی

وہ کس منہ سے شیریں کلامی کریں گے

عدو نے کیا غسل صحت سنا ہے

وہ جلسہ بڑا دھوم دھامی کریں گے

علیؔ کا وسیلہ ہے دونوں جہاں میں

نسیمؔ اور ہم کس کو حامی کریں گے

yun hi gar adu ki ghulami karenge

wo hasil bari nek nami karenge

karenge dalilen wahan khub naseh

unhen ko ham apna payami karenge

ijazat bhi de un ko tangi dahan ki

wo kis munh se shirin kalami karenge

adu ne kiya ghusl-e-sehhat suna hai

wo jalsa bara dhum dhami karenge

ali ka wasila hai donon jahan mein

nasim aur ham kis ko hami karenge