یوں سسکتا مجھے تم چھوڑ نہ جاؤ آؤ

یوں سسکتا مجھے تم چھوڑ نہ جاؤ آؤ

آخری وقت ہے اے جان من آؤ آؤ

صحبت لطف میں لو نام نہ غیروں کا کبھی

دل میں عاشق کے نہ تم آگ لگاؤ آؤ

بے بنے ہی بہتوں کو ہے بگاڑا اس نے

اپنی کاکل کو بہت اب نہ بناؤ آؤ

پی بھی لو رہنے دو کوثر کی کہانی زاہد

ایسی بے پر کی نہ یاروں سے اڑاؤ آؤ

کیفیؔ چھوڑو بھی کہیں کوئے بتاں کی یہ دھن

چین آرام دل و دیں نہ گنواؤ آؤ

yun sisakta mujhe tum chhor na jao ao

akhiri waqt hai ai jan-e-man ao ao

sohbat-e-lutf mein lo nam na ghairon ka kabhi

dil mein ashiq ke na tum ag lagao ao

be bane hi bahuton ko hai bigara us ne

apni kakul ko bahut ab na banao ao

pi bhi lo rahne do kausar ki kahani zahid

aisi be par ki na yaron se urao ao

kaifi chhoro bhi kahin ku-e-butan ki ye dhun

chain aram dil-o-din na ganwao ao