یوں میں سیدھا گیا وحشت میں بیاباں کی طرف

یوں میں سیدھا گیا وحشت میں بیاباں کی طرف

ہاتھ جس طرح سے آتا ہے گریباں کی طرف

بیٹھے بیٹھے دل غمگیں کو یہ کیا لہر آئی

اٹھ کے طوفان چلا دیدۂ گریاں کی طرف

دیکھنا لالۂ خود رو کا لہکنا ساقی

کوہ سے دوڑ گئی آگ بیاباں کی طرف

رو دیا دیکھ کے اکثر میں بہار شبنم

ہنس دیا دیکھ کے اکثر گل خنداں کی طرف

بات چھپتی نہیں پڑتی ہیں نگاہیں سب کی

اس کے دامن کی طرف میرے گریباں کی طرف

سیکڑوں داغ گنہ دھو گئے رحمت سے تری

کیا گھٹا جھوم کے آئی تھی گلستاں کی طرف

چشم آئینہ پریشاں نظری سیکھ گئی

دیکھتا تھا یہ بہت زلف پریشاں کی طرف

سر جھکائے ہوئے ہے نظمؔ بسان خامہ

سمت سجدے کی ہے تیری خط فرماں کی طرف

yun main sidha gaya wahshat mein bayaban ki taraf

hath jis tarah se ata hai gareban ki taraf

baithe baithe dil-e-ghamgin ko ye kya lahr ai

uth ke tufan chala dida-e-giryan ki taraf

dekhna lala-e-khud ro ka lahakna saqi

koh se daur gai ag bayaban ki taraf

ro diya dekh ke aksar main bahar-e-shabnam

hans diya dekh ke aksar gul-e-khandan ki taraf

bat chhupti nahin parti hain nigahen sab ki

us ke daman ki taraf mere gareban ki taraf

saikron dagh gunah dho gae rahmat se tiri

kya ghata jhum ke ai thi gulistan ki taraf

chashm-e-aina pareshan nazari sikh gai

dekhta tha ye bahut zulf-e-pareshan ki taraf

sar jhukae hue hai nazm-e-basan-e-khama

samt sajde ki hai teri khat-e-farman ki taraf