یوں عیاں تجھ کو دیکھتے ہیں ہم

یوں عیاں تجھ کو دیکھتے ہیں ہم

کہ نہاں تجھ کو دیکھتے ہیں ہم

نہیں وادید ماسوا درکار

بے نشاں تجھ کو دیکھتے ہیں ہم

غیر کی واں نظر نہیں جاتی

اب جہاں تجھ کو دیکھتے ہیں ہم

دیدنی کچھ نہیں زمانے میں

جاوداں تجھ کو دیکھتے ہیں

جان دینے پہ کیوں نہ ہوں راضی

جاں ستاں تجھ کو دیکھتے ہیں ہم

یوں کریں ہم کو پائمال عدو

آسماں تجھ کو دیکھتے ہیں ہم

یوں وہ گل گشت کو چلے آئیں

گلستاں تجھ کو دیکھتے ہیں ہم

آج اپنا کہا سنا ہو معاف

ناگہاں تجھ کو دیکھتے ہیں ہم

آرزو گو کہ ایک حرف ہے تو

داستاں تجھ کو دیکھتے ہیں ہم

نہ کریں اب کلیم سے بھی کلام

ہم زباں تجھ کو دیکھتے ہیں ہم

ہم اور اغیار سے گلا تیرا

بد گماں تجھ کو دیکھتے ہیں ہم

اور کرنا ہے چرخ کو دشمن

مہرباں تجھ کو دیکھتے ہیں ہم

اس کا آنا یقیں ہے کیا سالکؔ

نگراں تجھ کو دیکھتے ہیں ہم

yun ayan tujh ko dekhte hain ham

ke nihan tujh ko dekhte hain ham

nahin wadid masiwa darkar

be nishan tujh ko dekhte hain ham

ghair ki wan nazar nahin jati

ab jahan tujh ko dekhte hain ham

didani kuchh nahin zamane mein

jawedan tujh ko dekhte hain

jan dene pe kyun na hun razi

jan sitan tujh ko dekhte hain ham

yun karen ham ko paimal-e-adu

asman tujh ko dekhte hain ham

yun wo gul gasht ko chale aen

gulsitan tujh ko dekhte hain ham

aj apna kaha suna ho muaf

nagahan tujh ko dekhte hain ham

arzu go ke ek harf hai tu

dastan tujh ko dekhte hain ham

na karen ab kalim se bhi kalam

ham zaban tujh ko dekhte hain ham

ham aur aghyar se gila tera

bad guman tujh ko dekhte hain ham

aur karna hai charkh ko dushman

mehrban tujh ko dekhte hain ham

us ka ana yaqin hai kya salik

nigaran tujh ko dekhte hain ham