یوں تو دنیا میں ہر اک کام کے استاد ہیں شیخ

یوں تو دنیا میں ہر اک کام کے استاد ہیں شیخ

پر جو کچھ آپ میں فن ہیں وہ کسے یاد ہیں شیخ

سب ہی بندے تو خدا کے ہیں پر اتنا ہے فرق

تو گرفتار تعین ہے ہم آزاد ہیں شیخ

ہم تو مر جائیں جو اک دم یہ کریں صوم و صلٰوۃ

کیوں کہ جیتے ہیں وہ جو آپ کے مقتاد ہیں شیخ

دختر رز تو ہے بیٹی سی ترے اوپر حرام

رند اس رشتہ سے سارے ترے داماد ہیں شیخ

تھوڑی سی بات میں قائمؔ کی تو ہوتا ہے خفا

کچھ حرمزدگئیں اپنی بھی تجھے یاد ہیں شیخ

yun to duniya mein har ik kam ke ustad hain shaikh

par jo kuchh ap mein fan hain wo kise yad hain shaikh

sab hi bande to khuda ke hain par itna hai farq

tu giraftar taayyun hai ham azad hain shaikh

ham to mar jaen jo ik dam ye karen saum-o-salwat

kyun ke jite hain wo jo ap ke maqtad hain shaikh

dukhtar-e-raz to hai beti si tire upar haram

rind is rishta se sare tire damad hain shaikh

thori si bat mein qaim ki to hota hai khafa

kuchh harmazdgen apni bhi tujhe yad hain shaikh