یوں یہ بدلی کالی کالی جائے گی

یوں یہ بدلی کالی کالی جائے گی

پاک بازوں میں بھی ڈھالی جائے گی

توبہ کی رندوں میں گنجائش کہاں

جب یہ آئے گی نکالی جائے گی

کچھ بلانوش آ گئے بھٹی میں شیخ

تیری بوتل آج خالی جائے گی

پھول کیا ڈالوگے تربت پر مری

خاک بھی تم سے نہ ڈالی جائے گی

آئے بھی تو وہ مبارکؔ آئے کیا

جانے کی تمہید ڈالی جائے گی

yun ye badli kali kali jaegi

pak bazon mein bhi dhali jaegi

tauba ki rindon mein gunjaish kahan

jab ye aegi nikali jaegi

kuchh balanosh a gae bhatti mein shaikh

teri botal aj khali jaegi

phul kya daloge turbat par miri

khak bhi tum se na dali jaegi

ae bhi to wo mubarak ae kya

jane ki tamhid dali jaegi