یوں پریشاں کبھی ہم بھی تو نہ تھے

یوں پریشاں کبھی ہم بھی تو نہ تھے

ایسے اس زلف میں خم بھی تو نہ تھے

سیر گلشن کو گئے تھے جب آپ

یاد تو کیجئے ہم بھی تو نہ تھے

ہم سے بے جرم وہ کوچہ چھوٹا

شائق باغ ارم بھی تو نہ تھے

رحم کرتا نہ فلک کیا کرتا

ہم سزا وار ستم بھی تو نہ تھے

رہتے کعبہ میں اکیلے کیا ہم

دل لگانے کو صنم بھی تو نہ تھے

ہاتھ کیوں سر پہ ہمارے رکھا

تم سے خواہان قسم بھی تو نہ تھے

yun pareshan kabhi ham bhi to na the

aise is zulf mein kham bhi to na the

sair-e-gulshan ko gae the jab ap

yad to kijiye ham bhi to na the

ham se be jurm wo kucha chhota

shaiq-e-bagh-e-iram bhi to na the

rahm karta na falak kya karta

ham saza war sitam bhi to na the

rahte kaaba mein akele kiya ham

dil lagane ko sanam bhi to na the

hath kyun sar pe hamare rakha

tum se khwahan qasam bhi to na the