یوں جو ڈھونڈو تو یہاں شہر میں عنقا نکلے — رجب علی بیگ سرور

Arooz is now on the App Store, for iPhone and iPad. Download →

رجب علی بیگ سرور

یوں جو ڈھونڈو تو یہاں شہر میں عنقا نکلے

چاہنے والا جو چاہو تو نا اصلا نکلے

جی میں ہے چیر کے سینہ میں نکالوں دل کو

تا کسی ڈھب سے تو پہلو کا یہ کانٹا نکلے

مرض عشق یہ مہلک ہے کہ اس کے ڈر سے

چرخ چارم یہ جو ڈھونڈو تو مسیحا نکلے

ہے یقیں گور پہ گر میری تو آ جاوے کبھی

دید کو تیری مرا قبر سے مردا نکلے

جاں کنی میں ہے تڑپتا دل بیتاب سرورؔ

میرے عیسیٰ سے کہو یہاں بھی کبھی آ نکلے