یوں تو کیا کیا نظر نہیں آتا

یوں تو کیا کیا نظر نہیں آتا

کوئی تم سا نظر نہیں آتا

ڈھونڈتی ہیں جسے مری آنکھیں

وہ تماشا نظر نہیں آتا

ہو چلی ختم انتظار میں عمر

کوئی آتا نظر نہیں آتا

جھولیاں سب کی بھرتی جاتی ہیں

دینے والا نظر نہیں آتا

زیر سایہ ہوں اس کے اے امجدؔ

جس کا سایہ نظر نہیں آتا

yun to kya kya nazar nahin ata

koi tum sa nazar nahin ata

dhundti hain jise miri ankhen

wo tamasha nazar nahin ata

ho chali khatm intizar mein umr

koi ata nazar nahin ata

jholiyan sab ki bharti jati hain

dene wala nazar nahin ata

zer-e-saya hun us ke ai amjad

jis ka saya nazar nahin ata