یوں ہی رہا جو بتوں پر نثار دل میرا

یوں ہی رہا جو بتوں پر نثار دل میرا

کرے گا مجھ کو زمانے میں خوار دل میرا

چلی چلی مژۂ اشک بار آنکھ مری

جلا جلا نفس شعلہ بار دل میرا

عجیب مونس و ہمدرد و ذی مروت تھا

غریق رحمت پروردگار دل میرا

وفور شرم سے واں اجتناب مد نظر

ہجوم شوق سے یاں بے قرار دل میرا

بنا دیا اسے خودبین و خود نما بیخودؔ

ہوا ہے آئینۂ حسن یار دل میرا

yun hi raha jo buton par nisar dil mera

karega mujh ko zamane mein khwar dil mera

chali chali mizha-e-ashk bar ankh miri

jala jala nafas-e-shola bar-e-dil mera

ajib munis-o-hamdard-o-zi murawwat tha

ghariq-e-rahmat-e-parwardigar dil mera

wafur-e-sharm se wan ijtinab mad-e-nazar

hujum-e-shauq se yan be qarar dil mera

bana diya use khudbain-o-khud numa bekhud

hua hai aina-e-husn-e-yar-e-dil mera