یا رب سراب اہل ہوس سے نجات دے
سراج الدین ظفریا رب سراب اہل ہوس سے نجات دے
مجھ کو شراب دے انہیں آب حیات دے
آ ہم بھی رقص شوق کریں رقص مل کے ساتھ
اے گردش زماں میرے ہاتھوں میں ہات دے
اپنا سبو بھی آئنۂ جم سے کم نہیں
رکھیں جو رو بہ رو خبر شش جہات دے
اے دست راز مرکب دوراں ہے سست رو
لا میرے ہاتھ میں رسن کائنات دے
کچھ تو کھلے کہ کیا ہے پس پردۂ حیات
کوئی پتا تو آئنۂ حسن ذات دے
اے دوست اس زمان و مکاں کے عذاب میں
دشمن ہے جو کسی کو دعائے حیات دے
اٹھ رہ گزر سے اے در مے خانہ کے گدا
مسند پہ بیٹھ فیصلۂ کائنات دے
اس موجۂ سرور کی ہے آرزو ظفرؔ
جو طبع کو روانیٔ نیل و فرات دے
ya rab sarab-e-ahl-e-hawas se najat de
mujh ko sharab de unhen ab-e-hayat de
a ham bhi raqs-e-shauq karen raqs mil ke sath
ai gardish-e-zaman mere hathon mein hat de
apna subu bhi aina-e-jam se kam nahin
rakhen jo ru ba ro khabar shash jihat de
ai dast-e-raz murakkab dauran hai sust ro
la mere hath mein rasan-e-kainat de
kuchh to khule ke kya hai pas-e-parda-e-hayat
koi pata to aina-e-husn-e-zat de
ai dost is zaman-o-makan ke azab mein
dushman hai jo kisi ko dua-e-hayat de
uth rah guzar se ai dar-e-mai khana ke gada
masnad pe baith faisla-e-kainat de
is mauja-e-surur ki hai arzu zafar
jo taba ko rawani-e-nil-o-furat de