یاد آ کے تری ہجر میں سمجھائے گی کس کو

یاد آ کے تری ہجر میں سمجھائے گی کس کو

دل ہی نہیں سینہ میں تو بہلائے گی کس کو

دم کھنچتا ہے کیوں آج یہ رگ رگ سے ہمارا

کیا جانے ادھر دل کی کشش لائے گی کس کو

اٹھنے ہی نہیں دیتی ہے جب یاس بٹھا کر

پھر شوق کی ہمت کہیں لے جائے گی کس کو

جب مار ہی ڈالا ہمیں بے تابئ دل نے

کروٹ شب فرقت میں بدلوائے گی کس کو

مر جائیں گے بے موت غم ہجر کے مارے

آئے گی تو اب زندہ اجل پائے گی کس کو

اچھا رہے تصویر کسی کی مرے دل پر

کمبخت نہ ٹھہرے گا تو ٹھہرائے گی کس کو

کچھ بیٹھ گیا دل ہی یہاں بیٹھ کے اپنا

غیرت تری محفل سے اب اٹھوائے گی کس کو

اس وعدہ خلافی نے اگر جان ہی لے لی

پھر جھوٹی تسلی تری تڑپائے گی کس کو

کیوں لیں گے جلالؔ آ کے مرے دل میں وہ چٹکی

جھپکے گی پلک کاہے کو نیند آئے گی کس کو

yad a ke tiri hijr mein samjhaegi kis ko

dil hi nahin sina mein to bahlaegi kis ko

dam khinchta hai kyun aj ye rag rag se hamara

kya jane idhar dil ki kashish laegi kis ko

uthne hi nahin deti hai jab yas bitha kar

phir shauq ki himmat kahin le jaegi kis ko

jab mar hi dala hamen be tabi-e-dil ne

karwat shab-e-furqat mein badalwaegi kis ko

mar jaenge be maut gham-e-hijr ke mare

aegi to ab zinda ajal paegi kis ko

achchha rahe taswir kisi ki mire dil par

kambakht na thahrega to thahraegi kis ko

kuchh baith gaya dil hi yahan baith ke apna

ghairat tiri mahfil se ab uthwaegi kis ko

is waada khilafi ne agar jan hi le li

phir jhuti tasalli tiri tarpae gi kis ko

kyun lenge jalal a ke mire dil mein wo chutki

jhapkegi palak kahe ko nind aegi kis ko