یادگار زمانہ ہیں ہم لوگ

یادگار زمانہ ہیں ہم لوگ

سن رکھو تم فسانہ ہیں ہم لوگ

خلق سے ہو گئے ہیں بیگانے

شاید اس کے یگانہ ہیں ہم لوگ

کیوں نہ ہر گل پہ ہوویں زمزمہ سنج

بلبل خوش ترانہ ہیں ہم لوگ

سب کے مخدوم ہیں ولے تیرے

خادم آستانہ ہیں ہم لوگ

تیر مژگاں ہے کیا بلا جس کے

جان و دل سے نشانہ ہیں ہم لوگ

یار آگے نکل گئے ہیں کئی

پیچھے ان کے روانہ ہیں ہم لوگ

اپنے جی میں سمجھ تو زلف دراز

قابل تعزیانہ ہیں ہم لوگ

منتظرؔ شکل بلبل وحشی

دشمن آشیانہ ہیں ہم لوگ

yadgar-e-zamana hain ham log

sun rakho tum fasana hain ham log

khalq se ho gae hain begane

shayad us ke yagana hain ham log

kyun na har gul pe howen zamzama sanj

bulbul-e-khush tarana hain ham log

sab ke makhdum hain wale tere

khadim-e-astana hain ham log

tir-e-mizhgan hai kya bala jis ke

jan-o-dil se nishana hain ham log

yar age nikal gae hain kai

pichhe un ke rawana hain ham log

apne ji mein samajh to zulf-e-daraz

qabil-e-taazayana hain ham log

muntazir shakl-e-bulbul-e-wahshi

dushman-e-ashiyana hain ham log