یاد ایام کہ یاں ترک شکیبائی تھا

یاد ایام کہ یاں ترک شکیبائی تھا

ہر گلی شہر کی یاں کوچۂ رسوائی تھا

اتنی گزری جو ترے ہجر میں سو اس کے سبب

صبر مرحوم عجب مونس تنہائی تھا

تیرے جلوے کا مگر رو تھا سحر گلشن میں

نرگس اک دیدۂ حیران تماشائی تھا

یہی زلفوں کی تری بات تھی یا کاکل کی

میرؔ کو خوب کیا سیر تو سودائی تھا

yad-e-ayyam ke yan tark-e-shakebai tha

har gali shahr ki yan kucha-e-ruswai tha

itni guzri jo tire hijr mein so us ke sabab

sabr marhum ajab munis-e-tanhai tha

tere jalwe ka magar ro tha sahar gulshan mein

nargis ik dida-e-hairan tamashai tha

yahi zulfon ki tiri bat thi ya kakul ki

mir ko khub kiya sair to saudai tha